4

പ​ത്ത​നം​തി​ട്ട: മ​ണ്ഡ​ല​കാ​ല തീ​ർ​ഥാ​ട​ന​ത്തി​നു തു​ട​ക്കം കു​റി​ച്ച് ശ​ബ​രി​മ​ല ശ്രീ​ധ​ർ​മ​ശാ​സ്താ ക്ഷേ​ത്രം ന​ട ഇ​ന്ന് തു​റ​ക്കും.

വൈ​കു​ന്നേ​രം അ​ഞ്ചി​ന് ക​ണ്ഠ​ര് മ​ഹേ​ഷ് മോ​ഹ​ന​രു​ടെ സാ​ന്നി​ധ്യ​ത്തി​ൽ മേ​ൽ​ശാ​ന്തി അ​രു​ൺ​കു​മാ​ർ ന​മ്പൂ​തി​രി ന​ട തു​റ​ക്കും.

6.30ന് ​ശ​ബ​രി​മ​ല സോ​പാ​ന​ത്ത് നി​യു​ക്ത ശ​ബ​രി​മ​ല മേ​ൽ​ശാ​ന്തി പ്ര​സാ​ദ് ന​മ്പൂ​തി​രി​യെ ത​ന്ത്രി അ​ഭി​ഷേ​കം​ചെ​യ്ത് അ​വ​രോ​ധി​ക്കും. തു​ട​ർ​ന്ന് മാ​ളി​ക​പ്പു​റം ക്ഷേ​ത്ര​ന​ട​യി​ൽ നി​യു​ക്ത മേ​ൽ​ശാ​ന്തി മ​നു ന​മ്പൂ​തി​രി​യു​ടെ അ​വ​രോ​ധി​ക്ക​ൽ ച​ട​ങ്ങും ന​ട​ക്കും.

തി​രു​വ​ന​ന്ത​പു​രം: രാ​ഷ്ട്ര​പ​തി ദ്രൗ​പ​തി മു​ർ​മു​വി​ന്‍റെ ശ​ബ​രി​മ​ല സ​ന്ദ​ർ​ശ​ത്തി​ന് പു​തു​ക്കി​യ ഷെ​ഡ്യൂ​ൾ ആ​യി. ഈ ​മാ​സം 21ന് ​വൈ​കു​ന്നേ​ര​മാ​ണ് രാ​ഷ്ട്ര​പ​തി കേ​ര​ള​ത്തി​ലെ​ത്തു​ക.

തി​രു​വ​ന​ന്ത​പു​ര​ത്ത് എ​ത്തു​ന്ന രാ​ഷ്ട്ര​പ​തി രാ​ജ്ഭ​വ​നി​ൽ ത​ങ്ങും. 22ന് ​രാ​വി​ലെ 9.35ന് ​തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ൽ നി​ന്ന് വ്യോ​മ​സേ​ന​യു​ടെ ഹെ​ലി​കോ​പ്റ്റ​റി​ൽ നി​ല​യ്ക്ക​ലി​ലേ​ക്ക് തി​രി​ക്കും. 10.20ന് ​നി​ല​യ​ക്ക​ലി​ലെ​ത്തു​ന്ന രാ​ഷ്ട്ര​പ​തി റോ​ഡ് മാ​ർ​ഗം പ​മ്പ​യി​ലെ​ത്തും.

പ​മ്പ​യി​ൽ നി​ന്ന് ദേ​വ​സ്വം ബോ​ർ​ഡി​ന്‍റെ പ്ര​ത്യേ​ക ഖു​ർ​ഖാ ജീ​പ്പി​ലാ​ണ് വാ​ഹ​ന വ്യൂ​ഹം ഒ​ഴി​വാ​ക്കി മ​ല​ക​യ​റു​ക. നാ​ല് സു​ര​ക്ഷാ ഉ​ദ്യോ​ഗ​സ്ഥ​ർ മാ​ത്ര​മാ​യി​രി​ക്കും ജീ​പ്പി​ൽ ഉ​ണ്ടാ​കു​ക. അ​ക​മ്പ​ടി വാ​ഹ​ന​ങ്ങ​ൾ ഒ​ഴി​വാ​ക്കും.

ഉ​ച്ച​യ്ക്ക് 12 ഓ​ടെ സ​ന്നി​ധാ​ന​ത്ത് എ​ത്തു​ന്ന രാ​ഷ്ട​പ​തി ദ​ർ​ശ​ന​ത്തി​ന് ശേ​ഷം ദേ​വ​സ്വം ഗ​സ്റ്റ് ഹൗ​സി​ൽ ത​ങ്ങും. ഉ​ച്ച​ഭ​ക്ഷ​ണ​ത്തി​ന് ശേ​ഷം മൂ​ന്നി​ന് പ​മ്പ​യി​ലേ​ക്ക് തി​രി​ക്കും.

തി​രി​ച്ച് റോ​ഡ് മാ​ർ​ഗം നി​ല​യ്ക്ക​ലി​ലെ​ത്തു​ന്ന രാ​ഷ്ട്ര​പ​തി ഹെ​ലി​ക്കോ​പ്റ്റ​റി​ൽ തി​രു​വ​ന​ന്ത​പു​ര​ത്ത് തി​രി​ച്ചെ​ത്തും. സം​സ്ഥാ​ന​ത്തെ വി​വി​ധ പ​രി​പാ​ടി​ക​ളി​ൽ പ​ങ്കെ​ടു​ത്ത ശേ​ഷം 24ന് ​മ​ട​ങ്ങും.

പ​ത്ത​നം​തി​ട്ട: ക​ന്നി​മാ​സ പൂ​ജ​ക​ൾ​ക്കാ​യി ശ​ബ​രി​മ​ല ന​ട തു​റ​ന്നു. ചൊ​വ്വാ​ഴ്ച വൈ​കു​ന്നേ​രം അ​ഞ്ചി​ന് ത​ന്ത്രി ക​ണ്ഠ​ര് മ​ഹേ​ഷ് മോ​ഹ​ന​രു​ടെ സാ​ന്നി​ധ്യ​ത്തി​ൽ മേ​ൽ​ശാ​ന്തി അ​രു​ൺ കു​മാ​ർ ന​മ്പൂ​തി​രി ന​ട തു​റ​ന്ന് ദീ​പം തെ​ളി​ച്ചു.

തു​ട​ർ​ന്ന് പ​തി​നെ​ട്ടാം പ​ടി​യ്ക്ക് താ​ഴെ ആ​ഴി​യി​ൽ അ​ഗ്നി പ​ക​ർ​ന്നു. ആ​യി​ര​ക്ക​ണ​ക്കി​ന് ഭ​ക്ത​രാ​ണ് ദ​ർ​ശ​ന​ത്തി​നെ​ത്തി​യ​ത്. ബു​ധ​നാ​ഴ്ച രാ​വി​ലെ അ​ഞ്ചി​ന് ദ​ർ​ശ​ന​ത്തി​നാ​യി ന​ട തു​റ​ക്കും. പൂ​ജ​ക​ൾ പൂ​ർ​ത്തി​യാ​ക്കി 21 ന് ​രാ​ത്രി പ​ത്തി​ന് ന​ട അ​ട​യ്ക്കും.

തി​രു​വി​താം​കൂ​ർ ദേ​വ​സ്വം ബോ​ർ​ഡി​ന്‍റെ പ്ലാ​റ്റി​നം ജൂ​ബി​ലി ആ​ഘോ​ഷ​ങ്ങ​ളു​മാ​യി ബ​ന്ധ​പ്പെ​ട്ട് സം​ഘ​ടി​പ്പി​ക്കു​ന്ന ആ​ഗോ​ള അ​യ്യ​പ്പ സം​ഗ​മം 20ന് ​പ​മ്പ​യി​ൽ ന​ട​ക്കും. രാ​വി​ലെ 10.30ന് ​ചേ​രു​ന്ന അ​യ്യ​പ്പ സം​ഗ​മം മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഉ​ദ്ഘാ​ട​നം ചെ​യ്യും.